💫 Haqqımızda- Unibox-un hekayəsi

UniBox, çətin həyat şəraiti ilə üzləşmiş qadınlara davamlı dəstək göstərmək məqsədilə yaradılmış sosial bir təşəbbüsdür. Bu ideya ilk dəfə Gender Hub Azərbaycan tərəfindən təşkil edilən “Woman Bazaar” adlı tədbirdə formalaşdı. İki gün davam edən bu festivalda aztəminatlı ailələrdən olan qadınlar, məcburi köçkünlər, gənc analar, əlilliyi olan xanımlar və zorakılıqdan xilas olmuş qadınlar əl işlərini təqdim etmək və satmaq imkanı qazandılar. Hər şey sanki sehrli idi – əlaqələr qurulur, yaradıcılıq canlanırdı.

Amma festival bitdi... və fürsətlər də onunla birgə sona çatdı. İldə cəmi iki gün yetərli deyildi. 

O anda biz özümüzə sual verdik:
Bəs bu dəstək niyə yalnız festival günləri ilə məhdudlaşmalıdır?
Niyə bu təşəbbüsü daha davamlı və təsirli bir platformaya çevirməyək?

Bu suallar bizi UniBox-u yaratmağa təşviq etdi.

💫 Unibox-un hekayəsi

Unibox, sosial bərabərsizliyi azaltmağı və qadınların iqtisadi müstəqilliyini təşviq etməyi qarşısına məqsəd qoyan bir sosial biznesdir. Hər bir qutu həyatın çətinliklərinə qarşı dayanan və bu çətinlikləri bacarığa, sənətə və gəlirə çevirən qadınların əl işi məhsulları ilə doludur. 

Amma, Unibox sadəcə zövqlü və keyfiyyətli hədiyyələr deyil. Bu, qadınların iqtisadi müstəqillik qazanmasına, öz güclərini kəşf etmələrinə və həyatda öz yollarını tapmalarına dəstək olan bir təşəbbüsdür. 

Biz “İnkişaf Paketi” təşəbbüsümüzlə onlara yalnız iş imkanı yox, eyni zamanda psixoloji dəstək, liderlik bacarıqları və biznes bilikləri təqdim edirik.

Unibox-u seçdiyin zaman sadəcə alış-veriş etmirsən. Sən bir qadının həyatında dəyişimin başlanğıcına çevrilirsən. 

🎯 Missiyamız

Azərbaycanda sosial və iqtisadi cəhətdən həssas vəziyyətdə olan qadınlara keyfiyyətli əl işləri vasitəsilə gəlir əldə etmək, bilik və bacarıqlarını inkişaf etdirmək və dəstəkçi bir icmaya qoşulmaq imkanı yaratmaqdır.

🌿 Vizyonumuz

Biz elə bir gələcək təsəvvür edirik ki, hər bir qadın iqtisadi cəhətdən azad olsun, yaradıcılığını reallaşdırsın və yaşadığı icmada ilhamverici nümunəyə çevrilsin. 

Bülletenimiz üçün qeydiyyatdan keçin

E-poçtlarımıza abunə olun

Yuxarıya qayıt